Malriĉa tamburisto, kiu laboras en tombeja okrestreto, subite fariĝas posedanto (aŭ posedato?) de magia tamburo, unu el tiuj, kiuj difinas la homan historion. Kaj li ekas vagadi kun la tamburo tra la lando, trafante jen en unu tragikomedian situacion, jen en alian, simile al herooj de klasikaj mutaj komedioj de Charlie Chaplin kaj Buster Keaton. Antaŭ dudek jaroj okazis evento, rara en la monda historio. Nur dum kelkaj monatoj malaperis grandega lando, anstataŭ kiu formiĝis multaj novaj ŝtatoj, politika kaj ekonomia ordo rapidege ŝanĝiĝis. Centmilionoj da homoj subite trovis sin en tute alia socio kaj devis adaptiĝi al novaj kaj nekonataj cirkonstancoj. Nature, ĉiuj ĉi tiuj kataklismoj ne povis esti preterlasitaj fare de kino. En tiuj jaroj aperis ĉi-rimarkindaj filmo, kiuj respegulis sperton de ĉi tiu kriza tempo.